Erreka-Ortu Dantza taldeak elkartasun azoka egingo du bihar, 11:30tatik 14:00ak arte, kioskoaren plazan. Bertan salduko den guztia, auzokide ezberdinek dohaintzan eman dituzte. Ekimen solidario honen helburua garatze bidean dauden herrialdeetako pobreziari aurre egitea da, horregatik aterako duten etekin guztia Oxfan elkarteari emango diote. Erreka-Ortu dantza taldeak 2012.urtetik darama ekimen solidario hau egiten.

Azken aldian Italiako “Unione Sindacale Di Base (USB) ” sindikatuak hainbat mobilizazio egiten ari ditu Erroman lan eskubideen alde: grebak, manifestazioak, blokeoak, okupazio sinbolikoak… Honen aurrean Italiako agintarien eta poliziaren erantzuna errepresioa areagotzea izan da. Mafiaren aurka sortutako salbuespenezko 2011/06/09 lege dekretuaren 3. Artikulua USBren eta sindikatuaren idazkari nagusia den Guido Lutrarioren aurka erabiliz. Modu honetan sindikatuko kideak beldurtu nahi dituzte mobilizazioak eteteko. LABek elkartasuna adierazi die sindikatuko kide guztiei. Gainera salatu dute Europan zehar aplikatzen ari diren politikek prekarietatea eta pobrezia zabaltzen ari dituztela eta neurri hauei aurre egiten dieten sindikatuak zigortzen direla.

Irudia: Barakaldo Digital

Uztailaren 1 eta 2an hogei bat ume Saharar helduko dira Barakaldora, udako hilabeteak hemengo familiekin batera pasatzeko, “Oporrak Bakean” ekimenaren barruan. Ekimen honen helburua, ume hauek Saharako desertuan bizi duten bizitza egoera gogorrak leuntzea da. Egoera gogor horien adibide bat izan daiteke udan pairatzen dituzten 50 graduko tenperatura. Hilabete hauetan hemengo familiekin egon, lagunak egin eta kultura elkarbanatzeaz gain, elikadura eta medikuntza azterketak egingo dizkiete.

Astelehen honetan eragile sozial eta sindikal ezberdinek kontzentrazio bat egin dute, Bilboko Arriagaren aurrean, Oaxacako irakasleek jasaten ari duten errepresioa salatzeko. Azken asteetan Oaxacako irakasleek mobilizazioak egiten ari dituzte, Mexikoko gobernuak inposatu nahi duen hezkuntza erreformaren aurka. Poliziak modu basati batea oldartzen ari da irakasleen aurka eta momentu 15 pertsona baino gehiago erail dituzte, 25 irakasletik gora desagertuta daude eta ehunka pertsona atxilotu zein zaurituta daude. Kontzentrazioa jendetsua izan da eta bertan lore eskaintza bat egin dute.  Eragile sozial eta sindikalek azpimarratu dute,Oaxacan hezkuntza bizitzarekin ordaintzen ari dela.