Irudia: @anderixo

Atzo ehunka pertsonek manifestazioa egin zuten Bilboko kaleetan zehar, “Faxismoaren aurrean, Gora Kurdistan” lelopena. Manifestazio honek, eragile sozial, sindikal, politiko eta internazionalista ezberdinen babesa izan zuen. Manifestazio honen bitartez, Kurdistanek jasaten ari duen errepresioa eta sarraskiak salatu zituzten. Gainera azken hilabeteetan, turkiar gobernuak errepresioa areagotu du, milaka atxilotuekin: alderdi politiko ezkertiar eta kurduen militanteak, kazetariak, mugimendu feministako kideak… Gainera: komunikabideak, elkarte kulturalak, eskolak… itxi dituzte. Beste alde batetik Kurdistan herriak, gune aske eta autonomoetan praktikan jartzen ari dute gizarte eredua goraipatu zuten, justizia sozialean oinarrituta dagoena. Argazkiak hemen.

Eragile politiko, sindikal, sozial eta internazionalista ezberdinek, Kurdistanen aldeko manifestazio nazionala egingo dute, abenduaren 17an “Faxismoaren aurrean, Gora Kurdistan” lelopean. Manifestazioa eguerdiko 12:30ean hasiko da Bilboko Eliptika plazatik. Mobilizazio honen bitartez, Turkiako gobernuak Kurdistan herriari ezartzen dion errepresioa eta sarraskiak salatuko dituzte. Mendebaldeko gobernuek, Turkiako gobernuarekin daukaten konplizitatea salatuko dute baita ere eta aldarrikatuko dute Turkiarekin daukaten erlazioak etetea, honek giza eskubideak eta Kurdistan herria errespetatzen ez dituen bitartean.

Gaur, azaroak 9 harresien aurkako nazioarteko eguna da eta horregatik arratsalde honetan, BDS plataformak (Israelen aurkako boikota, desinbertsioa eta zigorra bultzatzen duen) kontzentrazio bat egin du Arriaga plazaren aurrean. Palestinarekiko elkartasun plataformak Israelek Palestinan eraikitzen hari duen harresia salatu du, baita ere mendebaldeko estatuek eta nazioarteko komunitateak ez daudela ezer egiten honen haurrean.

Hamarka pertsona kontzentratu dira, Bilboko plaza biribilean, turkiar gobernuak; herri kurdua eta Turkiako ezkerraren aurka ezartzen duen errepresioa salatzeko. Denbora asko darama Turkiar gobernuak politika errepresiboak inposatzen: komunikabideen itxiera, atxiloketa politikoak, alderdi eta mugimendu politikoen ilegalizazioa, gutxiengoak bazterketa… Politika hau areagotu da, uztailean egondako estatu kolpearen aitzakiarekin. Errepresioa jasaten duen alderdi politikoetariko bat: HDP, alderdi kurdua da, barruan mota askotako jendea duena.