Publizitatea
Bannerra
Gazteria
Independentzia gaua ospatuko dute larunbatean Makala II gaztetxean PDF fitxategia Inprimatu E-posta
2014/11/12

Independentziaren aldeko irudia

Larunbat honetan eskaintza berezia egongo da Barakaldoko San Bizente auzoan dagoen Makala gaztetxean, Independentzia Gaua ospatuko baitute. Arratsaldez hasita, ekimen ugari prestatu dituzte, besteak beste, bozka emateko hautesontziak eta kataluniar herrialdeetako senyeren historia entzuteko aukera. Horren ostean, karaokea, edari independentistak, eta, afaltzeko, pa amb tomàquet eta sandwichak.

 
Makala IIko tailerrak martxan jarriko direla ohartarazi du Barakaldoko Gazte Asanbladak PDF fitxategia Inprimatu E-posta
2014/10/20

Gaztetxetik alternatibak eskaintzen

Aste honetatik aurrea Makala II gaztetxeko tailerrak hasiko dira. Asteazkenean defentsa pertsonalerako tailerra hasiko da 20.00etatik aurrera. Tailerra euskaraz eta gazteleraz egiteko aukera izango dugu eta BGAtik arropa erosoa eramateko aholkua egin dute. Gainontzeko tailerrak azarotik aurrera izango dira: mikroinformatika, argazkilaritza, monoziklo tailerra… Beste alde batetik Urriaren 27tik aurrera Berbalagun dinamikari hasiera emango da talde bat sortzeko. Tailerretan apuntatzeko gazte asanbladaren posta elektronikoa erabili daiteke: Helbide elektroniko hau spam bot-en aurka babesturik dago. Beharrezkoa duzu Javascript gaitzea ikusi ahal izateko

 
Barakaldoko Makala II gaztetxeko sarraila kolaz boikotatu dute PDF fitxategia Inprimatu E-posta
2014/10/15

Gaztetxearen aurkako erasoaren irudia

Barakaldoko gazte asanbladak jakinarazi digu, atzo urriak 14 Makala II gaztetxeko sarraila kolaz boikotatua izan zela. Hau ez da gaztetxeak eta gazte asanbladak jasan duten eraso bakarra: inaugurazioaren egunean munizipalak agertu ziren bertan zeuden gazteei gaztetxearen barruan bazkaltzera aginduz, 12 gazteren aurkako prozesu judizial bat zabalik dago usurpazio delitu bat egotzita (lokalaren barruan bilduta egoteagatik)… Gazteek ohartarazi dute errepresio eta eraso guztien gainetik beren lanarekin jarraituko dutela eta kultur eta aisialdi alternatibo bat sortzen segituko dutela.

 
Makala II Gaztetxea inauguratzeko egitaraua prestatu dute larunbaterako PDF fitxategia Inprimatu E-posta
2014/09/23

Makala II gaztetxearen inaugurazioa

Irailaren hasieran Barakaldoko Gazte Asanbladak,  Makala II gaztetxea okupatu zuen duela bost urte arte Makala gaztetxea izan zen lokalean, Kobazulo gaztetxearen desalojoari erantzunez. Larunbat honetan gazteek egun osorako egitarau zabala prestatu dute gaztetxearen inauguraziorako. 12:30ean hasiko da Makala IItik abiatuko den poteo musikatuarekin. 14:00etan ekitaldia izango da eta 15:00etan herri bazkaria. Eguna bukatzeko jolas parte-hartzaileak egongo dira 17:30ean. Bazkarirako sarrerak 3€ren truke eskuratu daitezke San Bizenteko garagardotegian eta Adnarik, Pasajes eta Argalario tabernetan.

 
Barakaldoko gazteriak gaztetxe berriaren ateak ireki ditu, makala gaztetxea izan zen lokalean PDF fitxategia Inprimatu E-posta
2014/09/07

Makala gaztextea izan zena, gaztetxe berrian bihurtu da

Atzo arratsaldean Barakaldoko Gazte Asanbladaren hitzordu berri bat izan genuen. Oraingo honetan gaztetxe berria zabaltzeko asmoz. Horretarako San Bizente parketik kalejira bat atera zen gaztetxera abiatu zena, musikaz girotua. Kalejira gaztetxera heldu zenean, honek bere ateak zabaldu zituen jendea barrura sartu ahal izateko. Behin barruan, duela 5 urteko oroitzapen asko gogora etorri zitzaien bertaratutakoei. Gazteek lokala mundu guztiarentzako zabaltzeko eta auzoarekin elkarlanean aritzeko konpromisoa hartu zuten. Barruan BIDEOA.

Igandea (19.30) - Makala II-ko asanbladako lagunek twitter bidez Ertzainak gaztetxera bertaratu direla azaldu dute. Gazteak identifikatzen ari dira.

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

8-orrietatik 35.a
Loading..
Maiatza 2018 Ekaina 2018
As As As Os Os La Ig
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Egun hauetan ez dago ekintza programaturik
Ikusi agenda osoa

Get Flash to see this player.