Publizitatea
Bannerra
Euskara
Berbalagun egitasmoak Karibeko dantzak ikasteko euskarazko ikastaroa antolatu du PDF fitxategia Inprimatu E-posta
2018/02/05

Karibeko dantzak

Barakaldoko berbalagun egitasmoak, Karibeko dantzen oinarrizko ikastaro bat prestatu du. Ikastaroa bi saioz osatuta egongo da otsailaren 19 (astelehena) eta 21ean (asteazkena) izango direnak, goizeko 11:30etatik 12:30ak arte San Bizenteko kultur etxean. Ekimen honen bitartez Karibeko dantza ohikoenak ezagutu ahal izango ditugu euskaraz mintzatzen dugun bitartean. Parte hartu nahi duenak, izena eman beharko du otsailaren 16a baino lehen.

 
Barakaldoko mugimendu euskaltzaleak hausnarketarako prozesua hasiko du PDF fitxategia Inprimatu E-posta
2018/02/04

Barakaldo Euskaraz

Azken 10 urteetako lanaren ondoren, Sasiburu euskara elkarteak eta mugimendu euskaltzaleak orokorrean, Barakaldoko euskalduntzeko borrokan fase berri bat zabaltzeko beharra ikusi dut. Horretarako Sasiburu berak, Euskaltzaleok topagunea eta udaleko euskara zerbitzuak hausnarketarako jardunaldi batzuk prestatu dituzte. Jardunaldi hauen helburua fase berria diseinatzea eta hemendik aurrera eman daitezkeen pausoen eta egin nahi diren ekimenen inguruan hausnartzea da, guztia jendearen parte-hartzea eta ekarpenekin batera. Prozesuak hiru saio izango ditu, guztiak San Bizenteko kultur etxean. Lehenengoa astearte honetan izango da.

 
Mugimendu euskaltzaleak San Bizenteko jaiak euskaraz bizitzea bultzatuko dute PDF fitxategia Inprimatu E-posta
2018/01/18

Korrika argazkia

Barakaldoko mugimendu euskaltzaleak hainbat ekimen antolatu ditu San Bizenteko jaietan euskararen erabilpena bultzatzeko. Urtarrilaren 26an Sasiburuk, Kilika bertso eskolarekin batera bertso afaria egingo du San Bizenteko garagardotegian. Unai Iturriaga eta Miren Amuriza izango dira etorriko diren bertsolariak. Txartelak AEKn erosi ahal izango dira 20€ren truke, urtarrilaren 24a baino lehen.

 
EGA azterketa egiteko matrikulazio epea zabaldu dute PDF fitxategia Inprimatu E-posta
2018/01/08

EGA

EGA azterketaren 2018ko lehenengo deialdirako matrikulazio epea zabaldu dute. Izena emateko epea urtarrilaren 22an itxiko da, eguerdiko 12:00etan. Matrikulazioaren prezioa 24€-koa da eta izena emateko hezkuntza departamentuko web orrialde honetara joan beharko zarete. Atariko proba otsailaren 24an izango da eta prozesua ekainera arte luzatuko da. Barakaldo Euskaraz atariak matrikulazioaren inguruko argibideaz aparte, azterketa prestatzeko materiala eskaintzen du baita ere. 

 
Urtarrilaren 18an Barakaldon euskararen erabilpenaren inguruan hausnartuko dute PDF fitxategia Inprimatu E-posta
2018/01/03

Kike Amunarriz eta Iker Martinez de Lagos

Sasiburu elkarteak eta euskaldunen Topaguneak euskararen erabilpenaren inguruan hausnartzeko hitzaldia antolatu dute, urtarrilaren 18rako San Bizenteko kultur etxean 19:00etatik aurrera. Hitzaldiaren izenburua: "Barakaldon, euskararen erabilera handitzeko palankak" izango da eta bi izango dira arituko diren hizlariak: Kike Amonarriz eta Iker Martinez de Lagos.

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

5-orrietatik 49.a
Loading..
Azaroa 2018 Abendua 2018
As As As Os Os La Ig
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Egun hauetan ez dago ekintza programaturik
Ikusi agenda osoa

Get Flash to see this player.