Publizitatea
Bannerra
Euskara
Berbalagun ekimenak neguaren etorrera ospatuko du PDF fitxategia Inprimatu E-posta
2018/12/04

Berbalagun ekimena

Oharra:

Urtero bezala, Barakaldoko Berbalagunak elkartuko dira Neguaren etorrera ospatzeko. Horretarako, abenduaren 14an, ostiralarekin, 19:00etan, Gran Parada tabernan elkartu eta euskara kalera aterako dute Hala Dzipoko musikarien laguntzaz. Euskara mingainean eta ondo pasatzeko gogoa norberaren baitan, elkar ezagutzeko parada ere izango dute hara bertaratzen direnek; izan ere, zenbait talde-jolas egongo dira lotsa gainditu eta euskarari hauspo emateko, eta hori gutxi balitz bezala, parte hartzaileek hainbat sari eskuratu ahal izango dituzte.

 
Zuberoako Eperrak ikastolaren aldeko saskiak eskuragarri daude Laguntasunan PDF fitxategia Inprimatu E-posta
2018/12/04

Eperra ikastola

Beste urte batez Laguntasuna eta Zuberoako Eperra ikastolaren eskutik, bertoko produktuez osatutako saskia izango dugu eskuragarri Barakaldon. Saskia 40€ balio du eta produktu ugari dauzka: ardi gazta, ahate gibela, eztia, euskal xerriki odolkia… Saskiaren helburua ikastola finantzatzea da besteak beste. Saskia eskuratzeko Laboral Kutxako 3035.0157.24.1571020400 kontuan sartu behar dira 40€ otarre bakoitzeko, izena eta abizenak jarriz, abenduaren 10a baino lehen. Otarreak jasotzeko eguna abenduaren 15ean izango da Laguntasunan 12:00etatik 14:00ak arte.

 
Gurasolagun egitasmoak, tximeletak egiteko tailerra antolatu du PDF fitxategia Inprimatu E-posta
2018/11/22

Tximeletak tailerra

Gurasolagun egitasmoaren oharra:

Barakaldoko gurasolagunen eskutik, familia-jarduera interesgarria heldu zaigu. Izan ere, umeak eta gurasoak euskaraz aritzeko helburuz elkartuko dira jolasten diren bitartean. Oraingoan, tximeletak egingo dituzte elkarlanean Clara Campoamor Kultur Etxean, azaroak 28, 18:30ean. Eskulan honetan parte hartzeko izena eman behar da 678 626 567 telefonora deituz edo Helbide elektroniko hau spam bot-en aurka babesturik dago. Beharrezkoa duzu Javascript gaitzea ikusi ahal izateko emailera idatziz.

 
Martxan da Berbalagun egitasmoa, 11.urtez PDF fitxategia Inprimatu E-posta
2018/10/03

Oharra:

Ikasturte berriarekin batera, martxan da berriro ere Barakaldo Berbalagun programa. Honako hau 11. urtea da, beraz, Euskal Herri osoan ezaguna den fenomeno honek, indar handia hartu du gure herrian. Iaz, 15etik gora izan ziren martxan egondako taldeak; eta 175 baino gehiago talde hauetan parte hartu duten mintzalagunak. Oraingoan, beraiekin batera euskaraz gozatzeko gonbita egiten digute praktikatu eta bizi! lemapean.

 
Llanok euskararen aldeko IV.Herri Krosa ospatuko du larunbat honetan PDF fitxategia Inprimatu E-posta
2018/06/15

Llanoko herri krosa

Llanoko jai batzordeak, Sasibururekin batera euskararen aldeko herri krosaren 4.edizioa prestatu dute datorren larunbaterako, jaien testuinguruaren barruan. Lasterketak bi zirkuitu izango ditu adinaren arabera. 11:00etan helduentzako lasterketa izango da eta 12:00etan txikiak aterako dira, 12urteko adina arte. Izena ematea doan izango da eta partehartzaile guztiek sariak jasoko dituzte.

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

1-orrietatik 50.a
Loading..
Abendua 2018 Urtarrila 2019
As As As Os Os La Ig
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
Egun hauetan ez dago ekintza programaturik
Ikusi agenda osoa

Get Flash to see this player.