Neska adingabe batek eraso sexista bat salatu du Barakaldon Inprimatu
2017/12/30

Erasorik ez

Neska adingabe batek eraso sexista bat jasan duela salatu du Barakaldon. Neskak salatu du beste 4 adingabek erasotu ziotela trasteleku batean. Neska berak udaltzaingoak deitu zituen, hauek ospitalera eraman zuten eta ikerketa Ertzaintzaren eskuan geratu da. Barakaldoko udaletxeak erasoa gaitzetsi du eta hainbat ekimen iragarri ditu datorren astearterako. Goizean bozeramaile bilera egingo dute eta arratsaldeko 18:00etan kontzentrazioa Herriko Plazan. EH-Bildu ta Irabazi alderdiek ere gogor salatu dute erasoa sare sozialen bitartez. Baina astearteko kontzentrazioa baino lehen Argitanek beste kontzentrazio bat egingo du bihar bertan eguerdiko 12:00etatik aurrera Herriko Plazan.