Ikasle Abertzaleak eta Ernaik kontzentrazioak egin dituzte gaurko egunean, Ezkerraldeko institutuetan. Gaurko mobilizazioen bitartez, bihar Sarek antolatutako manifestazioa babestu nahi izan dute. Kontzentrazio auetaz aparte, azken asteetan eskualdeko ikasle eta gazte mugimenduek euskal preso, iheslari eta deportatu politikoen aldeko dinamika egin dute, ekimen ezberdinekin. Adibidez asteazkenean “Motxiladun Umeak”-ei buruzko hitzaldia antolatu zuten. Sakabanaketa txikitatik ezagutu duten Eztitzen Artola eta Olatz Iglesiasen eskutik, dispertsioa jasaten duten haurren errealitatea ezagutu genuen. Beraien bizipenetik abiatuta, dispertsioak haur eta adingabeetan dituen ondorioak azaldu zituzten. Beste alde batetik Ezkerraldeko gazte eta ikasle mugimenduek larunbat honetako manifestazioarekin bat egiteko bideoa publikatu du.

Euskal preso, deportatu eta iheslari politikoen alde, Ezkerraldeko Ernai eta Ikasle Abertzaleakek martxan jarri duten dinamikaren barruan, “Motxiladun umeak" hitzaldia egongo da urtarrilaren 10ean Santurtziko Dorretxean, 20:00etatik aurrera. Hizlariak Olatz Iglesias eta Eztizen Artola izango dira eta dispertsioa jasaten duten adingabekoek bizi duten errealitatea islatuko dute.

Datorren udaberrian Portugaleteko Gure Esku Dago taldeak herri galdeketa egingo du, erabakitze eskubidea aldarrikatzeko. Herri galdeketari babesa emateko, pasaden ostiralean argazki erraldoia egin zuten Portugaleteko udaletxearen aurreko eskaileretan. Ekimen honetan 300 lagun inguru parte hartu zuten erabakitze eskubideari sostengoa emanez. Udaberriko galdeketa, azken lan urteetan egindako lana, eztabaida, hausnarketa eta kontzientziazioaren emaitza da. 2.600 portugaldar sinatu dute herri galdeketaren alde eta Gure Esku Dagok jatorri ideologiko, soziala eta eskarmentu ezberdinetako 40 lagunez osatutako talde motorra eratu du, ekimena aurrera eramateko.

Ezkerraldeko Sarek eskualdeko manifestazioa egin du Portugaleteko kaleetan, dispertsioaren aurka. Aurretik zutabe bat atera da Sestaotik Portugaletera, mobilizazio orokorrarekin bat eginez. Azken hamarkadetako gatazkaren ondorioak gainditzeko ahalegin kolektibo bat behar dugula azaldu du Sarek, oraindik pauso asko emateko geratzen direla azpimarratuz: Besteak beste euskal preso, errefuxiatu eta iheslari politikoen eskubideen urraketa eta sakabanaketarekin bukatzea. Azkenik urtarrilaren 13an Sarek Bilbon egingo duen manifestazio nazionalean parte hartzeko deia luzatu du.