Publizitatea
Bannerra
2017ko bizikleta martxa antimilitarista aurkeztu dute PDF fitxategia Inprimatu E-posta
2017/04/20

Rueda de prensa

Bizkaiko eragile antimilitarista, ekologista eta internazionalista ezberdinek, larunbatean ospatuko den bizikleta martxa antimilitarista aurkeztu dute. Mobilizazio honen helburua gastu militarra eta euskal armagintza salatzea da. Eragileek salatu dute, defentsa ministerioaren aurrekontua %30ean igo dela, 7.558 milioietara heltzen. Martxa goizeko 11:00etan hasiko da Bilboko Bizkaiko Foru Aldundiaren egoitzatik. Bilbotik Barakaldora joango da, “Precicast” enpresan etenaldi bat egiteko. Sestao eta Portugalete zeharkatu ondoren Getxora helduko dira, “Senner” enpresan mobilizazioari bukaera emateko.

 

 

alt=""

kartelaEragileen prentsa oharra:


Hurrengo apirilaren 22an, larunbata, Bizkaiko ekologista, antimilitarista eta internazionalista erakundeen lagunok elkartuko gara “gastu militarra eta armagintzaren kontrako 10. martxa” burutzeko. Martxa hau “Gastu militarraren kontrako ekintza orokorraren astea”ren barruan kokatuta dago.

Martxa hau goizeko 11etan hasiko da Bizkaiko Foru Aldundiaren egoitzaren aurretik, Barakaldoko “Precicast” militar lantegira hurbilduko gara, eta bukatuko da Getxoko “Sener” enpresaren aurrean.

“Gastu militarraren kontrako kanpaina mundiala” nazioarteko mailan 2004. urtetik egiten den ekimena da. Gobernu eta erakundei militar proiektu eta gatazketan gastatzen duten dirutza osasunan, hezkuntzan, etxebizitzan edota beste gastu sozialetan inbertitzeko eskatzea da ekimen honen helburua.

Gero eta murrizketa gehiago pairatzen ari gara, dirua ez dagoela aitzakiaz, baina benetako errealitatea honakoa da:

    Defentsa Ministerioaren  aurrekontua aurten %30an haziko da,  2017.urtean 5.734 milioietatik 7.558 milioikoa izatera pasako da.

    Honetaz aparte badaude kontutan hartu beharreko beste zenbait kopuru.  Klase pasiboak eta erakunde militarrak (5.300 milioi), Barne Ministerioa (2.800 milioi) eta Industria Ministerioa (700 milioi euro).

    Gainera, 2016 eta 2017ko armamentu planei dagokien zorra ordaintzeko  1.824,5 milioi gastatuko dira (2017rako 1.107 milioi, eta 2016tik ordaintzeke dauden beste 716). Armagintza proiektuarekin lotutako zorra 21.000 milioietakoa da. Zehazki,  Pizarro eta Leopard 1.500 tanke; Eurofighter hegazkinak, urpekuntziak, Tigre eta NH-90 helikopteroak eta misilak erosteko, besteak beste.   

    Hurrengo 10 urtetan gastu militarra igoko dela iragarri dute, BPGko %2a izan arte.

Ekimen honekin salaketa bikoitza egin nahi dugu: Alde batetik gastu militarrerako eta armagintza bultzatzeko euskal instituzioek gero eta diru gehiago desbideratzen dutela, eta beste aldetik euskal armagintza eta Israel armadaren arteko dagoen harremana.

Euskal armagintzan 100 enpresa inguruk parte hartzen dute. Armagintzaren fakturazioari dagokionez, Euskal Autonomia Erkidegoa estatuko hirugarren postuan dago, Madril eta Andaluziaren atzetik.

Defentsa-Ministerioak emandako datuen arabera, material militarraren fakturazioan EAEko bi enpresa estatu espainiarreko 10 enpresa handienen artean kokatuta daude: ITP seigarrena da,  eta Aernnova zortzigarrena.

Ildo berean, aipagarria da SAPA “armamentua” azpisektorean seigarren enpresa dela estatu mailan, eta Sener bigarrena “misilak” sektorean, seigarrena “aeroespazial militarrak” sektorean eta hamabigarrena “armamentua” sektorean.

Euskal armagintzaren enpresek urtero, gutxi gora behera, 800 milloi eurotako material militarra saltzen dute. Erosleak desberdinak dira: Estatuko defentsa eta armadaren ministeritza, Estatu Batuak, Mexiko, Brasil, Arabia Saudi, Marroko, Israel, Yemen edo Siria, besteak beste. Negozio honen mozkinak 150 milloi eurotakoak dira.

Adibide moduan aipatuko dugu Getxoko SENER enpresa. Israeleko “Israel Aircraft Industries LTD” enpresarekin laguntzeko konpromisoa dauka, material aereonautiko berriak diseinatzeko, “Vulcan” programaren barruan, eta negozio hauen zenbatekoa 5 milloi eurotakoa da. Laguntza honek beste laguntzaile bat dauka: “Rafael” enpresa. Hauentzako Israeleko hegazkin militarretan dauden sensoreak diseinatu egin ditu Getxoko enpresak. Sensore hauen zeregina bonbardeatu behar duten helburua aurkitzea eta ardaztea da.

“Sener” europa mailan enpresa liderra da, besteak beste, hurrengo arlotan: “Ekintza eta Kontrola” sistemetan, eta taurus KEPD 350, IRIS-T, RBS 70 NG, METEOR eta NSM misilentzako “Inteligentzia, Zaintza, Ezagutzea eta Sistema Integratuak” aplikazioetan.

Beste aldetik beste enpresa bat salatuko dugu, hain zuzen ere, Barakaldoko “PRECICAST”, “ITP” taldearen barruan dagoena, eta Airbus A400M militar garraiorako hegazkinaren eta europear guda hegazkinaren hainbat pieza egiten duena.

Hau dana salatzeko, eta armagintzak “zibil industria” bihur dezan eskatzeko, bizi martxa hauxe antolatu dugu. Holako gauza bat gertatu zen Euskal Herrian duela urte batzuk: “Orbea” enpresa hasi zenean armak egiten zituen, hain zuzen ere pistolak, rebolberrak eta arma motza desberdinak. Gaur egun, Orbeak bizikletak egiten ditu.

Iruzkinak (0)

Iruzkina idatz ezazu

laburra | luzea

busy
 
Loading..
Azaroa 2017 Abendua 2017
As As As Os Os La Ig
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
Egun hauetan ez dago ekintza programaturik
Ikusi agenda osoa

Get Flash to see this player.

BERRIA

Cache Directory Unwriteable

GARA

Cache Directory Unwriteable